కావలసిన పదార్థాలు:
గుమ్మడి ముక్కల గుజ్జు - రెండు కప్పులు, వరి పిండి - మూడు కప్పులు, బేకింగ్ పౌడర్ - నాలుగు టీ స్పూనులు, ఉప్పు - తగినంత, బేకింగ్ సోడా - అర టీ స్పూను, పంచదార - ఒక కప్పు, పెరుగు - మూడు టేబుల్ స్పూన్లు, గుడ్లు - రెండు, వెనీలా - ఒక టీ స్పూను, మజ్జిగ - అర కప్పు, నూనె - సరిపడా. తయారుచేయు విధానం: పంచదారని మెత్తగా పొడి చేసుకోవాలి. రెండు టీ స్పూన్ల పొడిని పక్కన పెట్టుకోవాలి. మిగిలిన పొడిలో గుమ్మడి గుజ్జు, పెరుగు, బేకింగ్ పౌడర్, వరి పిండి వేసి కలుపుకోవాలి.
ఎలక్ట్రిక్ మిక్సర్లో వేస్తే బాగా కలుస్తుంది. ఇందులో గుడ్డుసొన, బేకింగ్ సోడా, వెనీలా, కొద్దిగా ఉప్పు కూడా వేసి మిక్స్ చేయాలి. పూరీ పిండిలా మెత్తగా అయ్యాక తీసేసి ఒక ప్లాస్టిక్ కవర్లో పెట్టాలి. మూడు గంటల తర్వాత బయటికి తీయాలి. పొయ్యిమీద గిన్నె పెట్టి సరిపడా నూనె పోయాలి. ఈ పిండిని బాగా పెద్ద సైజు చేగోడీలలా చేసుకోవాలి. నూనె కాగాక అందులో వేసి వేగించాలి. రెండు వైపులా బాగా వేగిన తర్వాత తీసేయాలి. వేడి చల్లారకుండానే వాటిపై పంచదార పొడిని చల్లాలి. తియ్యని గుమ్మడి డోనట్స్ తయారయినట్టే.
No comments:
Post a Comment